Шыпасчукӧр – этӧ сьӧрсьӧн-бӧрсьӧн шыпассэзлӧн тэчас. Коми-пермяцкӧй шыпасчукӧрӧ ӧння кадӧ пырӧны 35 шыпас. Но этадз вӧлі не пыр. Миян шыпасчукӧр вежсис да зорамис.
19 да 20 век пондӧтчикӧ коми-пермяцкӧй кывлӧн шыпасчукӧр вӧлі лӧсьӧтӧм роч шыпассэз основа вылын и сэтчӧ пырисӧ 37 шыпас.
1918 – 1931 воэзӧ коми-пермяцкӧй шыпасчукӧрӧ пырисӧ ассяма шыпассэз и шусис сія молодцовскӧй шыпасчукӧрӧн, сідз кыдз сійӧ лӧсьӧтіс Василий Александрович Молодцов. Эта шыпасчукӧрын вӧлісӧ 33 шыпас.
1932 воӧ лоис виль вежсьӧм. Небӧггез да газетаэз пондісӧ лэдзны латинизированнӧй шыпасчукӧр вылын, кытчӧ пырисӧ 36 шыпас.
Талуння шыпасчукӧр коми-пермяцкӧй кылӧ пырис 1938 воӧ.
Содтӧт литература:
- https://www.senator-perm.ru/projects/anbur/
- http://museum.nbrkomi.ru/histor/pasov/
- https://ru.wikipedia.org/wiki/Письменность_коми
