Нечаев Григорий Андреевич (1905-1986) – учёнӧй-лингвист, кӧда исследуйтіс коми-пермяцкӧй кыв.
Григорий Андреевич чужис 1905 годö Кудымкарскӧй районiсь Отева деревняын. Велöтчис Пермскöй политехническöй техникумын, Усть-Сысольскӧй педагогическӧй техникумын, Московскӧй государственнӧй университетын, Научно-исследовательскӧй институтын.
Уджалiс Коми-Пермяцкöй окрисполкомын Научно-исследовательскӧй бюроын (1933-1935), Коми педагогическӧй институтын (1935-1937, 1955-1965), Коми АССР-ись научно-исследовательскӧй наука академияын (1946-1948), Кудымкарскӧй учительскӧй институтын (1948-1953), Таганрогскӧй педагогическӧй институтын (1965-1974).
Г.А.Нечаев лöсьöтiс «Грамматика» учебник, кӧда петіс 1935 воӧ. Сія жӧ кадӧ уджаліс школаэз понда коми-пермяцкӧй кыв сьӧрті программаэз лӧсьӧтӧмын.