Коми-пермяцкӧй кылын [л] да [в] сёрнишыэз чередуйтчӧны. Эта вежсьӧмыс тыдалӧ мукӧд кылын, кӧр [в] вуджӧ [л] шыӧ.
Коми-пермяцкӧй кылын [в] вуджӧ [л] шыӧ, кӧр сулалӧ кыв шӧрын гласнӧй одзын: ныв → нылыт, но нывлӧ.
[В] оз чередуйтчы [Л]-кӧт то кытшӧм случайезын:
- множественнӧй числоа эманиммезын: кыввез, пöввез, вöввез;
- звукоподражательнӧй кыввезын: нявöстны, кивöстны.
- сложнӧй кыввезын (если мӧд торыс пондӧтчӧ [в] шысянь): лысва, синва, черива;
– прилагательнӧйезын (нимтаннэзын) -овӧй суффиксӧн: пуовӧй, кӧртовӧй;
- заимствованнӧй кыввезын: воробей, совет.
Видзӧтам примеррез:
Л//в вежсьӧмыс миян кылын лоис важын ни. Медодз коми кыввезын пантасьліс только [л]. Эта йылісь туйӧ адззыны важ гижан небӧггезісь. [Л] да [В] вежсьӧм коми кылын пондіс пантасьлыны, учёнӧйез шуӧм сьӧрті, 17 – 18 веккезын.