Безличнöй кадакыввез – этӧ сэтшöм кадакыввез, кöдна мыччалöны мортлiсь либо вӧрвалiсь состояннё и озö мыччалö лицо, кöда нуöтö действиесö: Öтöрас падеритö. Менö öддьöн сунöтö.
Безличнöй кадакыввез текстын босьтöны ӧтка лыда формалісь 3 лицо.
Видзöтам примеррез: öння кад – югдö, узьöтö; син одзын чулалöм кад – югдiс, узьöтiс; син сайын чулалöм кад – югдöма, узьöтöма; простöй лоан кад – югдас, узьöтас; сложнöй лоан кад – пондас кынтны, пондас югдыны.
Безличнöй кадакыввез унажык пантасьлӧны художественнöй литературын мыччалан (описаннё) текстын.
Видзöтам примеррез: Асыв кежас кöдздöтiс. Тöн рытнас зэрны дугдiс, и кокнитик тöлок вайис бур погоддя (И.Минин).