Инфинитив либо неопределённӧй форма – этӧ кадакывлöн ассяма форма, кöда только висьталö действиесö, но оз мыччав не кад, не лицо, не лыд.
Видзöтам пример: уджавны, баитны, серавны, юны.
Неопределённöй форма сетö ответ мый керны? юасьöм вылö. Аркмö сiя -ны, -ыны суффикссэзöн: вуджны, ытшкыны, мырддьыны.
Кадакывлöн неопределённöй форма сёрникузяын вермас лоны быдкодь сёрникузя членöн:
- подлежащöйöн: Бура велöтчыны – миян долг.
- сказуемöйöн: Лэбзьыны бы Венера вылö.
- второстепеннöй членöн: Гожумнас челядь ветлiсö видззез вылö öктыны лекарственнöй туруннэз.