Послелоггез мӧдік кыввезкӧт гижсьӧны торйын: туй кузя, пу сайын, керӧс утвын, ме весьтын, сы йылісь.
Послелоггез мӧдік кыввезкӧт гижсьӧны торйын: туй кузя, пу сайын, керӧс утвын, ме весьтын, сы йылісь.
Коми-пермяцкӧй кылын л да в шыэз чередуйтчӧны. Тӧдвылын колӧ видзны, мый в шыпас гижсьӧ:
1) кыв помын: ныв, ув, висьтав, удав.
2) кыв шӧрын согласнӧй шыпас одзын: тӧвся, керавны, повзьыны.
3) звукоподражательнӧй кыввезын гласнӧй шыпас одзын: нявӧстны, кивӧстіс.
4) сложнӧй кыввезын, кӧр кыввуж пондӧтчӧ в шыпассянь: синва, туйвеж.
5) уна лыда эманиммезын -ез суффикс одззын: ныввез, тӧввез.
і шыпас гижам кыв шӧрын да кыв помын д, з, л, н, с, т шыпассэз бӧрын, кӧр нія шуикӧ кылӧны чорыта: дуді, зі, казялі, нӧбӧті, сісь.
Кыкпӧвсӧн гижсян шыпассэз гижсьӧны исконнӧй коми-пермяцкой кыввезын, кӧр шуикӧ согласнӧйез кылӧны кузя: кошшыны, миссьыны, мырддьыны, дюттян, чеччыны, уннявны.
! Эттшӧм кыввез колӧ видзны тӧдвылын.
Шыпас и гижсьӧ:
1) гласнӧй шыпассэз бӧрын: кӧин, тоин;
2) д, з, л, н, с, т шыпассэз бӧрын, кӧр шуикӧ нія кылӧны небыта: козин, колис, нинпу, симӧт, коттис;
3) б, в, г, ж, й, к, м, п, р, ф, х, ц, ч, ш, щ согласнӧй шыпассэз бӧрын: ви, рись, пими, чизыр, кошши.