Коми-пермяцкӧй кыв автониммезӧн кывчукӧр петіс 2016 воӧ. Кывчукӧр медодззаись лӧсьӧтӧм начальнӧй школаись велӧтчиссез понда Рочев Евгений Михайловичӧн да Федосеева Валентина Васильевнаӧн.
Кывчукӧрӧ пыртӧмӧсь ӧнняся коми-пермяцкӧй кылісь 430 гӧгӧр паныт вежӧртаса гоз, кӧдна медтшӧка пантасьлӧны медодзза классэзын велӧтчан небӧггезын.
Быдӧс кыввез кывчукӧрын сетӧмӧсь начальнӧй формаын сьӧрсьӧн-бӧрсьӧн шыпасчукӧр сьӧрті: эманиммез – именительнӧй падеж формаын, кадакыввез – неопределённӧй формаын.
Антониммез дынӧ вайӧтӧмӧсь примеррез, кӧдна босьтӧмӧсь учӧт фольклорнӧй жанррезісь (пословицаэзісь, приметаэзісь, загадкаэзісь), коми-пермяцкӧй гижиссезлӧн произведеннёэзісь. Сідз, «уна – етша» словарнӧй статья дынӧ примерӧн лоӧ пословица: «Етшажык серав, да унажык уджав»; «ар – тулыс» дынӧ – Анна Истоминалӧн кывбурись тор: Годлӧн сідз жӧ нёль угӧв: тулыс, гожум, ар да тӧв.
Видзӧтам кывчукӧрись 39 лист бок: