Пыртӧм кыввез (торья кыввез) – кыввез, кӧднӧ босьтӧ кыв мӧдік кыввезісь: гаджет, пылесос, резюме, яблок и с.о.
Этна кыввез сьӧрті туйӧ казявны кытшӧм отиркӧт вӧлі топыт йитӧттэз сія или мӧдік кадӧ. Сідз, учёнӧйез сьӧрті, коми-пермяцкӧй кылӧ эшӧ кык тысячася унажык во сайын иранскӧй кыввезісь пырисӧ кыввез: зӧр, вурун, кӧрт, рӧм и с.о.
Миян эрася 7-9 веккезӧ коми кыв босьтіс булгарскӧй кыввез: кушман, чарла, кольта и мӧдіккез.
11-12 веккезсянь унажык кыввез пондісӧ пырны роч кылісь и мӧдік кыввезісь роч кыв пырйӧт: дядь, ручка, трактор, компьютер и с.о.