Эманим (существительнӧй) – этӧ сёрни тор, кӧда мыччалӧ предмет да сетӧ ответ кин?да мый? юасьӧммез вылӧ.
Видзӧтам пример: кин ? – нылочка; мый? – нянь.
Коми-пермяцкӧй кылын существительнӧйез овлӧны одушевлённӧйӧсь да неодушевлённӧйӧсь, собственнӧйӧсь да нарицательнӧйӧсь.
Существительнӧйез, кӧдна мыччалӧны ловья предметтэз, сетӧны ответ кин? юасьӧм вылӧ, шусьӧны одушевлённӧйезӧн: велӧтчись, зі.
Существительнӧйез, кӧдна сетӧны очакыв мый? юасьӧм вылӧ, шусьӧны неодушевлённӧйезӧн: би, пуртӧс.
Отирлӧн, подалӧн, деревняэзлӧн, юэзлӧн, каррезлӧн, странаэзлӧн, улицаэзлӧн ниммез – этӧ собственнӧй существительнӧйез – Коса, Рыжко. Питю Ӧньӧ.
Быдӧс мӧдік эманиммез лоӧны нарицательнӧйезӧн, кар, вӧв, гижись.
Существительнӧй вежласьӧ лыд да падежжез сьӧрті.
Ӧтка лыдын эманиммез мыччалӧны ӧтік предмет: кӧч, ув.
Уна лыда эманиммез мыччалӧны уна предметтэз: кӧччез, уввез.
Эманиммез уна лыдын аркмӧны суффиксӧн: -эз/ -ез.
Видзӧтам пример: 
Эманиммезлӧн падежжез сьӧрті вежласьӧм шусьӧ склоненнёӧн. Начальнӧй школаын велӧтӧны дас падеж.
