I. Эманиммез гижсьöны öтлаын, кöр:
а) мöд торыс самостоятельнöя оз пантасьлы:
-пон: пельпон, посöдзпон, потшпон, чуньпон;
-под: кипод, кушмупод, зöрпод;
-чир: ончир, турунчир, лымчир;
б) мöд торыс - торья кыв, но öтлаын компоненттэз мыччалöны виль вежöртас:
-кай: кöрымкай, пышкай, уркай;
-турун: вöйтурун, йöвтурун, ситурун, подтурун;
-ва: лысва, рисьва, синва, черива, но: ключ ва, лым ва, ен ва, нять ва;
-ягöд: озъягöд, сьöлаягöд, сьöдягöд;
-пиян: ошпиян, ручпиян, понпиян;
-кытш: чунькытш, пелькытш, юркытш;
-варыш: кайварыш, курöгварыш;
-лыс: горлыс, синлыс, чуньлыс;
-йöв: шöмйöв, чижйöв, нöкьяйöв;
-дор, -шöр: пемдандор, югдандор, луншöр, ойшöр, но: вöр дор, ва дор;
в) мукöд кыввез: енöшка, вöрмöс, бимороз, тшынбус, сирньылöм да мöд.
II. Эманиммез гижсьöны торйын:
а) кывтэчассэз:
туй: морт туй, пода туй;
тöв: лун тöв, ой тöв, рыт тöв, но: ойтöв (шогöт, судорога);
пыдöс: ки пыдöс, юр пыдöс, кок пыдöс;
долонь: ки долонь, гуна долонь;
тусь: ид тусь, анькытш тусь, зöр тусь, но: зöртусь (бородовка);
йыв: пу йыв, ныр йыв;
кок: пу кок, вешьян кок, пызан кок, но: порськок (турун);
чунь: кок чунь, но: кульчунь (турун);
пинь: шыр пинь, куран пинь.
б) кывтэчассэз, кöдна мыччалöны профессияэз да занятиеэз: чери кыйись, сапог вурись, пода вöдитöм.
III. Парнöй эманиммез гижсьöны кырöлок пыр: ая-зона, мама-ныла; тшак-ягöд, кепись-шапка.