Кадакыв вежлассьӧ лицоэз сьӧрті. Сія вермӧ сулавны медодзза лицоын, мӧдік лицоын да куимӧт лицоын.
Видзӧтам пример: тӧдмавны (неопределённӧй форма) – ме тӧдмала (медодзза лицо) – тэ тӧдмалан (мӧдік лицо) – сія тӧдмалӧ (куимӧт лицо).
Медодзза лицоа кадакыв мыччалӧ, что действиесӧ керӧ ачыс баитісьыс или кинкӧткӧ: ме лыддьӧта (ачым ӧтнам) и мийӧ лыддьӧтам (ме кинкӧткӧ).
Мӧдік лицоа кадакывлӧн действие керӧ сія, кӧдакӧт баитӧны: тэ лыддьӧтан, тійӧ лыддьӧтат.
Куимӧт лицоа кадакыв мыччалӧ действие сылісь, кин йылісь баитӧны: сія лыддьӧтӧ, нія лыддьӧтӧны.
Видзӧтам, кыдз вежласьӧ чулалӧм кадын лицоэз сьӧрті кадакыв.
