Featured

Кад

Коми-пермяцкöй кылын кадакывлӧн эм нёль кад: öння, син одзын чулалöм, син сайын чулалöм да лоан.

Öння кад мыччалö, что действиеыс мунö öнi, баитöмыскöт öткоста.

Видзöтам примеррез: Юриньӧй менам висьӧ, сьӧлӧминьӧй менам тӧждӧ. Айӧ, мамӧ видӧны, весьолісьӧн шуӧны. 


 

Син одзын чулалöм када кадакыввез мыччалöны, что действиеыс мунiс баитöм одзын да баитiсьыс дырни.

Видзöтам примеррез: Быдмисö зонкаэз вежöраöсь, мичаöсь. Öтöрын бергöтiс, летiс-вотiс лöг тöв.

Син одзын чулалöм кадакывлöн вежласьöм: 

 

 

Син сайын чулалöм када кадакыввез мыччалöны, что действиеыс мунöма баитöм одзын, но баитiсьыстöг.

Видзöтам примеррез: Кватьöт классiсь велöтчиссез ветлöмась гожумнас Москваö. Нёль соя-вона ӧтік чышьянӧн вевттисьӧмась.

 

 

Син сайын чулалöм кадын кадакывлӧн абу медодзза лицо. Оз туй ас йылісь висьтавны сійӧ, кӧдӧ он кер астӧгья.

Лоан кадын кадакыввез мыччалöны, что действие пондас мунны одзлань, баитöмыс бöрын.

Видзöтам примеррез: Кӧда лунӧ первуись гымалас, сія лунӧ чери пондас шедны.  Ар кежö быдмас карч, лоас быдкодь тшак да ягöд.

Кадакыввез лоан кадын употребляйтчöны простöй да сложнöй формаэзын.

Кадакывлöн простöй лоан кад сетсьö öтiк кывлöн формаöн (гижас, пырас, лыддьöтас).

Простöй лоан кадын кадакывлöн вежласьöм

 

 

Кадакывлöн простöй лоан кадлöн формаэз да öння кадлöн формаэз медодзза да мӧдік лицоэз ӧтка лыдын да уна лыдын öткодьöсь.

Видзöтам примеррез: Ме муна öнi. - Ме муна ашын. Тэ гижан письмо öнi. - Тэ гижан письмо ашын. 3-öт лицоын суффикссэз мöдiкöсь: -ас (-яс), -асö (-ясö).

Сложнöй лоан када форма аркмö кык кадакылiсь: отсасян кадакылісь да инфинитивись: понда гижны, мӧда пырны, понда лыддьöтны.

Сложнöй лоан кадын кадакывлöн вежласьöм

 

 

Сложнöй лоан када формаэзын лицоэз да лыд сьöртi вежласьö отсасян кадакылыс, мöдыс сулалö неопределённöй формаын (инфинитивын): понда мунны, пондан сёйны, пондас лöсьöтчыны.

 

 

 

 

 

Похожие статьи

Лыданим