- Кывбöррез [1] эманиммезкöт гижсьöны торйын: счастье, понда, гожум кежö, керку дынын, ю сайын.
Нiя, кык рака, ю сайын олiсö, а сёйны часто вовлывлiсö Зонка дынö.(В.Климов)
- Кывбöррез лыданиммезкöт гижсьöны торйын: дас гöгöр, кыкнанныс йылiсь, нёльöтыс вылö.
Прикамьеын адззисясö дас гöгöр сэтшöм ним, кöдна коласiсь миян округын Юньга, Сойга, Пурга, Можга. (В.Климов)
- Нимвежаннэзкöт кывбöррез гижсьöны торйын: ме дынö, тэ йылiсь, ме сувда, тiян понда.
Перво быдмы ме сувда и вöлись пондыв. (В.Климов)
- Урчитаннэзкöт кывбöррез гижсьöны торйын: ашын кежö, мöдлун гöгöр.
Öнi жö кытшöвтны Ваюкансö, быд керкуын висьтавны, медбы заптiсö пöимсö ашын кежö. (В.Климов)
- Послелог кодь эманиммезкöт, нимвежаннэзкöт гижсьö торйын: шондi кодь, сойыс кодь, сы кодь, тэ кодь.
Тöн ойö кынтыштiс и шыдöс кодь лым петалiс, а талун мичамис да косьтiс. (В.Климов)
- Послелог йылын быдöс падежнöй формаэзын эманиммекзöт, нимвежаннэзкӧт гижсьö торйын: кок йылын, кок йывсим.
А кöр вежöртi, думайтi ас йывсим: «И быль ме веж пикан — ручсö понкöт соралi». (В.Климов)
[1] Баталова Р.М., Кривощёкова-Гантман А.С. Коми-пермяцкий орфографический словарь. Кудымкар, 1992. 280 с.