Частица не причастиезкöт гижсьö торйын [1]:
а) ежели эм паныта мыччалан вежöртаса союззэз: а, но, да (но вежöртасын): не кералöм, а чегöм ув; не гöрдöтöм, но вежöтöм яблок;
б) ежели эм пояснительнöй кыв: Синöн не судзöтан ыб вылын быдмис сю. Не тракторöн гöрöм му кольччас чорыт;
Частица не причастиезкöт гижсьö öтлаын:
а) ежели позьö вайöтны синоним: некывзiсь (кага) - бöб, неполiсь (морт) - смев; негажöтан (кыввез) – гажтöм.
б) ежели абу пояснительнöй кыв: Ме мунi неытшкöм ыб вылöт. Кыдззез коласын кылiс нетыдалан шор.
Причастиеэзкöт сравнительнöй частицаэз кодь, моз гижсьöны торйын: Вежöтöм кодь туруныс öдва сайлалiс быдкодь каёккезöс. Чорзьöм кодь муыс кузя мунны вöлi кокнитжык.
[1] Баталова Р.М., Кривощёкова-Гантман А.С. Коми-пермяцкий орфографический словарь. Кудымкар, 1992. 280 с.
