Кывтэчас – кык либо унажык самостоятельнӧй кыв, кӧдна йитӧмась смысл сьӧрті да грамматика сьӧрті.
Кывтэчас сулалö медшöр кылiсь да зависимöй кылiсь. Медшöр кывсянь сувтöтсьö юасьöм зависимöй кыв дынö:
Кывтэчассэз аркмӧны быдкодь сёрни торрезісь:
нимтан + эманим: вылын пу, гӧрд сунис, кыз пу;
кадакыв + эманим: пыртіс пес, видзӧтӧ телевизор;
кадакыв + нимвежан: лыддьӧтіс аскӧттяс, сетіс меным;
нимвежан + эманим: миян школа, аслас киӧн;
кадакыв + урчитан: гижны жагӧна, бура кывны;
лыданим + эманим: куим кукань.
Кывтэчассэз медшöр кыв сьöртi овлöны:
именнöйöсь (кык пыдöс, паськыт шор, вундöм ыб),
глагольнöйöсь (кывны сьыланкыв, гижны басöка, пырисö нёльöн),
наречнöйöсь (керкусянь матын, месянь ылын, таво шоныт).
! Колӧ видзны тӧдвылын, мый кывтэчасöн оз лоö:
- подлежащöй да сказуемöй (кад чулалiс, ме гижа);
- однороднöй членнэз (шоныта да гажа);
– кадакыв отсасян кадакывкӧт (понда сёйны, вöлi мунö).
