Й – согласнӧй, партӧм, гора, пыр небыт сёрнишы.
Гижикӧ й вермас пантасьны кыв пондӧтчикӧ, кыв шӧрын, кыв помын: йӧв, майӧв, мӧй.
Й сёрнишыэзлӧн сочетаннёэзын – [йэ], [йо], [йу], [йа], кӧдна мыччассьӧны шыпассэзӧн: е, ё, ю, я: ем [йэм], югыт [йугыт], яг [йаг], ваявны [вайавны], ён [йон]; чышьян [чышйан], кöзъяин [кöзйаин], вöрья [вöрйа].
Мöдiк гласнöй шыэзкöт йитсикö пыр гижсьö кык шыпас: й+и (йики, йи, бöрйис), й+ö (йöв, йöр, йöктыны), й+ы (йыв, йылiсь, оййыны).
Шуикӧ сёрнишыэзлӧн йитӧммез [йэ, йу, йо, йа] да ны одзын сулалан согласнӧйез торйӧтчӧны: асъяпон [асйапон], тшакьявны [тшакйавны], шогья [шогйа].
Сэтшӧм кыввезын гижикӧ согласнӧйез бӧрын е, ё, ю, я шыпассэз одзын гижсьӧ янсӧтӧм понда ъ нето ь пас.