Веськыт сёрни – этӧ йöз сёрни, кöда висьталöма формасö вежтöг, сiдз, кыдз шуöма баитiсьыс.
Веськыт сёрниа сёрникузяас эмöсь авторлöн кыввез (А, а) и веськыт сёрни (В, в), кöдна йитсьöны интонацияöн. Например: «Зонкаэсö эз бы ков пыртны», – горöтчис Миша (В.Климов). Дед Софрон сералöмöн юалiс: «Мый, ошöс, небось, адззылiт?» (В.Исаев)
Веськыт сёрни вермас сулавны öтiк, кык нето кынымкö сёрникузяись: «Тожö серавны ме вылын кутчас. Да и весöтчыны вашöтас!» — повзис Женя да висьталiс волшебнöй кыввесö: «Ем аол öкмöштык нöкорот!» (В.Климов)
Веськыт сёрни вермö сулавны сёрникузяын быд местаын и пыр босьтсьö кавычкаэзö. Быд сёрникузяыс сыын гижсьö ыджыт шыпассянь.
«А мыля нö дыр ни муна? — кватитчис Люда да сувтiс. — Сэтчин я муна?»
Авторлöн кыввез вермöны пыртны ас пытшканыс кадакыввез, кöдна мыччалöны сёрни процесс вылö (висьтавны, сёрнитны, юавны, горöтны да мöд.); укажитöм, кин дынö направитöм сёрни; кытшöм обстоятельствоэз коста сiя висьталöм.
Сарафаныс басöк, но Леналö кузьöв, и нылочка шуис ас пондас: «Дзик сказкаись Алёнушка лои...»
