Ыджыт шыпассянь гижсьӧ медодзза кыв сёрникузяын: Бур кылыс небыт корось кодь.
Ыджыт шыпассянь гижсьӧ медодзза кыв сёрникузяын: Бур кылыс небыт корось кодь.
Ыджыт шыпассянь гижсьӧны:
1) отирлӧн ниммез, айниммез да фамиллёэз: Лихачёв Михаил Павлович;
2) странаэзлӧн, каррезлӧн, деревняэзлӧн, улицаэзлӧн да юэзлӧн ниммез: Россия, Кудымкар, Пиканово, Лихачёв нима улица, Кама;
3) подалӧн ниммез: пон Ошко, кань Марышко, мӧс Гӧрдань.
Шыпас й гижсьӧ:
1) исконнӧй кыввезын кыв одзын ӧ, и, ы шыпассэз одзын: йӧрнӧс, йи, йыжоль;
2) исконнӧй кыввезын кыв шӧрын ӧ, и, ы шыпассэз одзын: майӧг, кайис, бӧрйыны;
3) кыв помын гласнӧй шыэз бӧрын: сёй, вай, кый, сой, туй;
4) суффикс -ез одзын: уркайез, ойез, мӧйез.
! Рочись пырӧм кыввез гижам роч правило сьӧрті: йод, йогурт.
Шыпас э гижсьӧ исконнӧй кыввезын д, з, л, н, с, т шыпассэз бӧрын, кӧр шуикӧ нійӧ кылам чорыта: зэлыт, лэбтыны, сэтӧр, тэкӧт.
Янсӧтӧм понда ъ (чорыт пас) гижсьӧ д, з, л, н, с, т бӧрын, кӧр нія шуикӧ кылӧны чорыта, я, е, ё, ю гласнӧйез одзын: идъя, розъя, медъюгыт, медъён.асъяпон,
! Видзам тӧдвылын, мый рочись пырӧм кыввез гижам роч правилоэз сьӧрті: объявленнё, подъезд.