Федосеева Валентина Васильевна чужис 1958 годся июнь 1 лунӧ Косинскӧй районісь Чураки посадын. Чураковскӧй восьмилетньӧй школа помалӧм бӧрын велӧтчис Кудымкарскӧй педагогическӧй училищеын. 1985 воӧ помаліс Пермскӧй государственнӧй педагогическӧй университетын филологическӧй факультетісь коми-пермяцко-русскӧй отделеннё.
1989-2020 воэзӧ уджаліс Кудымкарскӧй педагогическӧй училищеын коми-пермяцкӧй кыв да литература, роднӧй кыв велӧтӧмлӧн методика сьӧрті велӧтісьӧн.
Федосеева В.В. уджалӧ национальнӧй школаэз понда учебно-методическӧй литература лӧсьӧтӧм вылын. Сія лоӧ авторӧн сэтшӧм небӧггезлӧн, кыдз: «Коми-пермяцко-русский словарь для учащихся общеобразовательных школ» (1993); «Программа по коми-пермяцкому языку и по чтению для I—IV классов» (2000); велӧтчан небӧггезлӧн начальнӧй классэз понда.
2000 воын Валентина Васильевна пасйӧм «Почетный работник среднего профессионального образования» знакӧн.
