Научнöй стиль – этö литературнöй кывлöн стиль, кöда вылын гижöны быдкодь наукаэз сьӧртi докладдэз, статьяэз, очерккез, рефераттэз, справочниккез, энциклопедияэз, велöтчан небöггез.
Научнöй стильлöн ассяма:
- Дума сёрнилöн тэчӧм сьӧрсьӧн-бӧрсьӧн, ӧтамӧд коласын йитöм и вайöтö кытшöмкö выводдэз дынö.
- Вайöтöм факттэз объективнöйöсь, точнöйöсь, пыртсьöны доказательствоэз.
- Оз дзугсьӧ лексическöй, фонетическöй, грамматическöй нормаэз.
- Пыртсьöны наукаись терминнэз. Торйöтсьöны асшӧр кыввез. Шоча пантасьлöны образнöй кыв средствоэз, невеськыт вежӧртаса кыввез.
- Паськыта пыртсьöны кадакылiсь аркмöм эманиммез. Текстын абу медодзза да мӧдік лицоа кадакыввез да личнöй нимвежаннэз.
- Синтаксическöй конструкцияэз коласын пантасьöны öтiк состава сёрникузяэз, сложнöй сёрникузяэз, сложнöй синтаксическöй конструкцияэз. Пантасьлöны вводнöй кыввез, быдкодь обособленнёэз. Шуан мог сьöртi пантасьлӧны висьталан сёрникузяэз.
- Жанррез сьöртi научнöй стильын торйöтсьöны: монография, научнöй статья, реферат, доклад, справочник, очерк, статья.