Сёрни этикет – отирӧн примитӧм сэтшӧм кыввез да топыта йитӧм кыввез, кӧдна пантасьлӧны сёрниын колана местаын да колана кадӧ. Сэтшӧммезӧн лоӧны:
– вежливӧй кыввез: аттьӧ, лок нянь сёйны, бур вылӧ;
– панталан да кольласян кыввез: бур асыв, адззисьлытӧдз, бур лун;
– обращеннё: маминьӧй, шорокиньӧй-шорок;
– кӧсйӧммез: нимлунӧн, тырдзоз, чочком, нянь-сов, бур ой.
Сёрни этикет мыччалӧ отирлісь культура, традицияэз. Сія лоӧ национальнӧй культуралӧн колана торӧн.