Сёрни тип – этӧ сія, кыдз висьтасись аркмӧтӧ-тэчӧ ассис сёрни, медбы мыччавны ассис дума.
Пытшкöс да висьталан моггез сьöртi тексттэз овлöны неöткодьöсь. Öтiккезын висьтассьö кинкö да мыйкö йылiсь, мöдiккезын мыччассьöны быд ладорсянь предметтэз, а куимöттэзын – мый-либо доказывайтчö, бöрйиссьö.
Сёрниын янсöтöны куим тип:
мыччалан текст (описаннё);
висьтасян текст (повествованнё);
бöрьян текст (рассужденнё).
Текст, кöдаын предмет (морт, вöрва, пода и с.о.) мыччассьöны уна ладорсянь, лоö о мыччалан текстöн. Сэтшöм текст дынö сувтöтсьö кытшöм предметыс? юалöм.
Сiя текстын, кытöн висьтассьö кытшöм-либо событие йылiсь, кытöн герой мый-либо керö, керöмыс мыччассьö уна действиеэз пырйöт, лоö висьтасян текстöн. Сэтшöм текстын сувтöтсьöны вопроссэз: мый лоис? мый керис? мый керö? мый керсьö?
Бöрьян текст отсалö кошшыны, бöрйыны, адззыны сiйö, мыля сiдз эм, лоас, шогмас. Мыччассьöны причина да аргументтэз. Бӧрьяна текст казяссьö то кытшöм вопроссэз сьöртi: мыля сiдз колö? мыйсянь сiдз лоис?
