Второстепеннӧй членнэз – этӧ кыввез, кӧдна вежӧртӧтӧны сёрникузяын главнӧй членнэз.
Второстепеннӧй членнэзӧн лоӧны дополненнё, определеннё да обстоятельство.
Второстепеннӧй членнэз – этӧ кыввез, кӧдна вежӧртӧтӧны сёрникузяын главнӧй членнэз.
Второстепеннӧй членнэзӧн лоӧны дополненнё, определеннё да обстоятельство.
Нимвежаннэз асланыс вежöртас сьöртi торйöтчöны разряддэз вылö:
I.
Сетöм нимвежаннэз мыччалöны лицо вылö либо предмет вылö. Кыдз и эманиммез, личнöй нимвежаннэз вежласьöны падежжез сьöртi, сёрникузяын лоöны сэтшöм жö сёрникузя членнэзöн.
Видзöтам пример: Алёша мунö библиотекаö. - Тэ мунан библиотекаö?
II.
Нiя вынсьöтöны личнöй нимвежаннэзлiсь вежöртассö: ме ачым, тэ ачыт, мийö асьным, нiя асьныс.
Видзöтам пример: Катяыс ачыс отсалас миськавны бекöрпань. - Ме ачым отсала мамöлö миськавны бекöрпань.
III. Взаимно-личнöй нимвежаннэз: öтамöд, öтамöдным, öтамöдныт, öтамöдныс. Частожык употребляйтчöны эманиммезкöт да личнöй нимвежаннэзкöт.
Видзöтам пример: Люба да Оля отсалöны öтамöдныслö велöтчанын. Нiя öтамöдныстöг озö пуксьö керны уроккез.
Личнöй, усилительно-личнöй да взаимно-личнöй нимвежаннэз вермöны вежласьны падежжез сьöртi, а сёрниын пантасьлӧны эманим туйö.
IV. Указательнöй нимвежаннэз: эта, эна, этна; сiя (туйыс), нiя (вöррез); эттшöм, этатшöм, сэтшöм, этмымда, сымда, сыным. Мыччалöны предметтэз вылö, нылöн качество да количество вылö. Указательнöй нимвежаннэз пантасьлӧны эманиммез да нимтаннэз туйö. Вермöны вежласьны падежжез сьöртi.
Эн сорав личнöй нимвежаннэз сiя, нiя сэтшöм жö указательнöй нимвежаннэзöн. Указательнöй нимвежаннэз позьö вежны мöдiк эта жö разрядiсь нимвежаннэзöн: эта, эна, этiя.
Видзöтам пример: Сiя лунö асывсянь петiс уна ном-геб.(Т.Фадеев)
V. Определительнöй нимвежаннэз: быд, быдöн, быдöс, мукöд. Этна нимвежаннэз вермöны вежласьны падежжез сьöртi: быд, быдлöн, быдлiсь.
Определительнöй нимвежаннэз вермасö примитны лично-притяжательнöй суффикссэз: быдöнным, быдöнныт, быдöнныс. Сэк нiя вежласьöны кыдз эманиммез.
Видзöтам пример Быдлöн ны коласiсь вöлiсö айез да маммез, пöрисьжыкöсь ли, томжыкöсь ли, сойез да воннэз, но басниыс часöт не ны йылiсь.(Т.Фадеев)
VI. Вопросительнöй нимвежаннэз: кин, мый, кытшöм, кыным, мымда, кöда, кынымöт, кöдным. Эна нимвежаннэз мыччалöны предмет йылiсь (кин? мый? кöда?), сы качество (кытшöм?) да количество (кыным? мымда? кынымöт?) йылiсь юасьöм. Например: Мый тэ висьталiн? Кынымöт классын тэ велöтчан? Мымдаöн тiйö пырит киноö? Вопросительнöй нимвежан вылö усьö логическöй удареннё.
Видзöтам пример Кин жö этадз кужöм Серебристöй пужöн Вевттьыны кыдзоклiсь Выв юрсисянь кокöдз? (Ф.Истомин)
VII. Относительнöй нимвежаннэз. кин, мый, кытшöм, кыным, мымда, кöда, кынымöт, кöдным. Этö нiя жö вопросительнöй нимвежаннэз, но пантасьлӧны сложноподчинённöй сёрникузяын торрез йитöм понда.
Видзöтам пример: Сiя лыддьöтiс быдöс нiйö книгаэсö, кöднö тшöктiс велöтiсь. Кин уна лыддьöтö, сiя уна тöдö.
VIII. Неопределённöй нимвежаннэз: кинкö, мыйкö, кытшöмкö, кынымкö, мымдакö; кин-либо, мый-либо, кытшöм-либо; кин-нибудь, мый-нибудь, кытшöм-нибудь, кöда-нибудь. Эна нимвежаннэс мыччалöны неопределённöй лицо, предмет вылö да неопределённöй качество либо свойство вылö.
Неопределённöй нимвежаннэз аркмöны воспросительнöй нимвежаннэзiсь -кö, -либо, -нибудь частицаэз содтöмöн.
Видзöтам пример: Чожа челядь вежöртiсö, что кинкö пилитчис Мишаыс оградаын (В.Баталов). Сэтчö жö эшö кин-либо соседньöй станоккез сайсянь шутитöмöн горöтас: «Емельян талун кык норма керöм!» (В.Баталов).
IX. Отрицательнöй нимвежаннэз: некин, немый, нем, некытшöм, некöда, немымда. Отрицательнöй нимвежаннэз аркмöны не- приставка содтöмöн вопросительнöй нимвежаннэз дынö.
Видзöтам пример: Мый лоас ашын, некин оз висьтав.
X. Счётно-личнöй нимвежаннэз: кыкнанным, кыкнанныт, нёльнанныт, нёльнанныс и с.о. Нiя аркмӧны обобщительнöй лыданиммезiсь -ным, -ныт, -ныс суффикссэз отсöтöн только исконнöй коми-пермяцкöй лыданиммезiсь. Сёрникузяын лоöны подлежащöйöн либо дополненнёöн.
Видзöтам пример: Гöсьöй, паняв масö зарниа кöшöн! Ме жö гажöтны кыкнаннытö понда.(Ф.Истомин)
Счётно-личнöй нимвежаннэз вермöны вежласьны лицо да падежжез сьöртi: кыкнанымлöн, кыкнаннытлiсь, кыкнанныстöг.
Нимвежаннэз гижӧм:
Нимвежан - этö самостоятельнöй сёрни тор, кöда употребляйтчö эманим, нимтан да лыданим туйö, мыччалö ны вылö, но оз сет нылö ним: ме, тэ, сiя, эта, мый, сымда, кыным, сэтшöм, мымда и с.о. Нимвежаннэз паськыта пантасьлӧны сёрниын. Текстын нимвежаннэз колöны, медбы вежны öткодь кыввез.
Видзöтам примеррез: Вася таво помалiс школа. Сiя мунас велöтчыны университетö.
Нимвежаннэз, кӧдна пантасьлӧны эманим да нимтан туйӧ, вежласьöны падежжез сьöртi.
Видзӧтам примеррез дас падеж сьӧрті вежласьӧм:
Мукӧд нимвежанлісь туйӧ тӧдны лыд да лицо, кӧда тыдалӧ вежöртасын.
Видзöтам примеррез: ме – ӧтка лыда форма, 1 лицо, мийӧ – уна лыда форма, 1 лицо, ачым – ӧтка лыда форма, 1 лицо, асьным – уна лыда форма, 1 лицо
Сёрникузяын нимвежан частожык овлö подлежащöйöн, дополненнёöн, определеннёöн, но вермö лоны и сказуемöйöн да обстоятельствоöн.
Публицистическöй стиль – этö литературнöй кывлöн стиль, кӧда пырйöт гижиссез да баитiссез сетöны виль юöррез отир йылiсь да событиеэз йылiсь, старайтчöны саймöтны лыддьöтiссезлiсь да кывзiссезлiсь вежöр (ум), вöрзьöтны сьöлöм, чужтыны интерес тема да проблема дынӧ, корӧны мыйкӧ керны. Эта сёрниыс сетсьö уна отир понда, сiйöн колö керны текст быдöн понда вежöртанаöн.
Публицистическöй стильлöн ассямаыс:
Публицистикаын жанррез – статья, очерк, репортаж, интервью, фельетон, выступленнё, доклад.
Содтӧт литература: https://vk.com/public189285986 (видзӧтӧ «Кама кытшын» газета, кӧда петӧ коми-пермяцкӧй кыв вылын).