Сёрникузяэз асланыс состав сьӧрті овлӧны нераспространённӧйӧсь да распространённӧйӧсь.

Нераспространённӧй сёрникузя – этӧ сэтшӧм сёрникузя, кӧдаын эмӧсь дзир главнӧй членнэз.

Видзӧтам пример:  Локтіс ар. Мый йылісь мунӧ сёрни – ар йылісь. Ар лоас подлежащӧй. Ар мый керис? – локтіс. Локтіс лоас сказуемӧйӧн. Сёрникузя лоас нераспространённӧй.

Сёрникузя членнэз сьӧрті бӧрйикӧ, мыччалам вот этадз:

Распространённӧй сёрникузя – этӧ сэтшӧм сёрникузя, кӧдаын эмӧсь главнӧй да второстепеннӧй членнэз: Зэра ар казявтӧг локтіс. Мый? – ар (подлежащӧй). Ар мый керис? – локтіс (сказуемӧй).  Ар кытшӧм? – зэра (определеннё). Локтіс кыдз? – казявтӧг (обстоятельсвто).

Сёрникузяын эмӧсь второстепеннӧй членнэз, сійӧн сія лоӧ распрстранённӧйӧн.

Сёрникузя членнэз сьӧрті бӧрйикӧ, мыччалам вот этадз:

Кыввез, кӧдналӧн эм ӧткодь кыввуж да матына вежӧртас, шусьӧны родственнӧй кыввезӧн.

Родственнӧй кыввез аркмӧны суффикссэз отсӧтӧн: ар, арся, арӧн.

Кывлӧн формаэзын быд кылыс мыччалӧ ӧтік предмет: тшак, тшакла, тшакись, тшакӧн.

Родственнӧй кыввезлӧн ӧткодь торыс шусьӧ кывлӧн кыввужӧн  

Кывлӧн тор, кӧда сулалӧ корень бӧрын и аркмӧтӧ виль кыввез, шусьӧ суффиксӧн. 

Видзӧтам пример: 

Коми-пермяцкӧй кылын приставкаэс етша. Пантасьлӧны кык приставка мед- да не-.

Кыввез, кӧднаын кык либо унажык корень, шусьӧны сложнӧйезӧн. Видзӧтам пример: лысва (лыс+ва).

Кыввез, кӧдна сулалӧны кык кылісь, шусьӧны парнӧйезӧн.

Видзӧтам пример: ая-зона (ай да зон).

Оча сёрни – кык либо унажык мортлӧн сёрни.

Оча сёрни сулалӧ репликаэзісь. Реплика – этӧ ӧтік баитісьлӧн висьталӧм.

Быд реплика оча сёрниын гижсьӧ виль строкасянь, кӧда одзын сувтӧтсьӧ тире.

        – Кытчö нö тэ ветлiн,

        Миян сьöд баран?

        – Мельницаö, мельницаö,

        Дона Селепан.

Коми-пермяцкӧй кылын л да в сёрнишыэз чередуйтчӧны. Эта вежсьӧмыс тыдалӧ мукӧд кылын, кӧр л вуджӧ в-ӧ.

Л гижсьӧ:

- кыв пондӧтчикӧ: лым, лун, лов, лажмыт;

- кыв шӧрын гласнӧйез одзын: солала, юктала, вузалiс, зэлыт;

- сложнӧй кыввезын: горлыс, нимлун;

- заимствованнӧй кыввезын (роч орфограмма сьӧрті): лампа, лагерь, стул, голос.

В гижсьӧ:

- кыв пондӧтчикӧ: важ, вонь, вурун, вартны;

- кыв шӧрын согласнӧйез одзын: солавны, юктавны, кывзыны, мавтны;

- кыв помын: тöв, ныв, юав, висьтав;

- сложнӧй кыввезын (если мӧд торыс пондӧтчӧ в шыпассянь): лысва, синва, черива;

- заимствованнӧй кыввезын (роч орфограмма сьӧрті): воробей, ворота, голос, журнал;

- важся заимствованнӧй кыввезын в да л чередуйтчӧны: сов, соввез, но: сола; угöв, угöввез, но: угöлас;

- множественнӧй числоа эманиммезын: кыввез, пöввез, вöввез;

- звукоподражательнӧй кыввезын: нявöстны, кивöстны.