Статьи

Согласнӧй шыэз

КПИПКРО Фонетика 29 ноября 2021 Просмотров: 503

Коми-пермяцкöй кылын 26 согласнöй шы: [б], [в], [г], [д], [д'], [дж], [дз], [ж], [з], [з'], [й'], [к], [л], [л'], [м], [н], [н'], [п], [р], [с], [с'], [т], [т'], [тш], [ч'], [ш],

Роч кылiсь заимствуйтöм кыввезын употребляйтчöны эшö 4 согласнöй: [ф], [х], [ц], [щ']. Быд согласнöй шы обозначайтö торья шыпас.

Коми-пермяцкöй кылын согласнöй шыэз торйöтсьöны то кытшöм группаэз вылö:

Согласнöй шыэз д, т, з, н, л, с, тш, дж, вермöны лоны чорыттэзöн да небыттэзöн, этасянь нiйö шуöны парнöйезöн.

Чорыт парнöй согласнöйез: д, т, з, с, л, н, тш, дж – дон, мöдi, зi, колiс, мунiс, лабич, тшак, джöмдiс.

Небыт парнöй согласнöйез: дь, ть, зь, сь, ль, нь, ч, дз, – додь, деркйыны, узис, зять, нёль, нянь, челядь, букварь, дзескыт.

Чорыт непарнöй согласнöйез: б, в, г, ж, к, м, п, ф, х, ц, ш.

Чорыт да небыт признак сьӧрті коми-пермяцкӧй кылын аркмӧны сэтшӧм параэз:

! Небыт р’ пантасьö только заимствуйтöм кыввезын.

Сы сьöрті, эм или абу голос, согласнöй шыэз янсалöны гора да гортӧммез вылö. Согласнöйез шыэз, кöдна аркмöны голосöн шусьöны гораӧсь: [б], [в], [г], [д], [д'], [ж], [з], [з'], [л], [л'], [м], [н], [н'], [р], [дз], [дж]. Согласнöйез шыэз, кöдна аркмöны голостöг шусьöны гусяӧсь: [к], [т], [т'], [п], [с], [с'], [тш], [ф], [х], [ц], [ч], [ш], [щ].

Мукöд согласнöй голос сьöрті аркмöтöны гоззэз:

Фонетическӧй бӧрйӧм

КПИПКРО Фонетика 29 ноября 2021 Просмотров: 520

Фонетическӧй бӧрйӧм – этӧ кывсӧ слоггез вылӧ торйӧтӧм, шы состав сьӧрті бӧрйӧм, удареннёлісь места мыччалӧм.

Фонетическӧй бӧрйӧмлӧн порядок:

Кывсӧ слоггез вылӧ торйӧтӧм, удареннёись места адззӧм.
Гласнӧй сёрнишыэз бӧрйӧм: ударнӧй/ безударнӧй, кытшӧм шыпассэзӧн сетӧмась.
Согласнӧй сёрнишыэз бӧрйӧм: гора, гуся, чорыт, небыт; кытшӧм шыпассэзӧн сетӧмась.

Мыччавны, кыным шыпас да кыным сёрнишы кылын.

Й сёрнишы

КПИПКРО Фонетика 29 ноября 2021 Просмотров: 522

Й – согласнӧй, партӧм, гора, пыр небыт сёрнишы.

Гижикӧ й вермас пантасьны кыв пондӧтчикӧ, кыв шӧрын, кыв помын: йӧв, майӧв, мӧй.

Й сёрнишыэзлӧн сочетаннёэзын – [йэ], [йо], [йу], [йа], кӧдна мыччассьӧны шыпассэзӧн: е, ё, ю, я: ем [йэм], югыт [йугыт], яг [йаг], ваявны [вайавны], ён [йон]; чышьян [чышйан], кöзъяин [кöзйаин], вöрья [вöрйа].

Мöдiк гласнöй шыэзкöт йитсикö пыр гижсьö кык шыпас: й+и (йики, йи, бöрйис), й+ö (йöв, йöр, йöктыны), й+ы (йыв, йылiсь, оййыны).

Шуикӧ сёрнишыэзлӧн йитӧммез [йэ, йу, йо, йа] да ны одзын сулалан согласнӧйез торйӧтчӧны: асъяпон [асйапон], тшакьявны [тшакйавны], шогья [шогйа].

Сэтшӧм кыввезын гижикӧ согласнӧйез бӧрын е, ё, ю, я шыпассэз одзын гижсьӧ янсӧтӧм понда ъ нето ь пас.

Шыпасчукӧр

КПИПКРО Фонетика 29 ноября 2021 Просмотров: 537

Шыпасчукӧр – примитӧм ладын шыпассэз сьӧрсьӧн-бӧрсьӧн сувтӧтӧм. Öння графика да орфография нормаэз сьöртi небöггез пондiсö петны 1938 годсянь, кöр вӧлі босьтӧм основа понда кириллица, а латинскöй алфавитiсь – кык шыпас ö да i. Сiдзкö öння коми-пермяцкöй алфавитын 35 шыпас.

Коми-пермяцкöй гижан кыв аслас зорамöм сьöртi лоö том кылöн, но графическöй основаыс эта кадöн вежсьылiс неöтпырись. 1921 годöдз небöггез петiсö кириллица вылын, но коми-пермяцкöй ассяма шыэз – аффрикатаэз |дж|, |дз|, |тш| мыччалiсö унанёжа. Сiдз, Н. Роговлöн кывчукöрын нiя сетöмöсь то кыдз 1908 годся букварын этадз ӝ, ӟ, ӵ.

1921 годсянь коми шыэз пондöны мычассьыны молодцовскöй алфавит вылын. Ассямаыс эта графикалöн вöлi сыын, мый быд шылöн вöлi аслас шыпас (буква). Сiдз, небыт д, з, л, н, с, т шыэз понда вöлiсö ԁ, ԅ, ԉ, ԋ, ԍ, ԏ шыпассэз.

1932 годсянь шыэз пондiсö мыччавны латинскöй шыпассэз отсöтöн, но вöлi содтöмöсь «бöжока» шыпассэз, медбы мыччавны небыт шыэзсö

Фонетика

КПИПКРО Фонетика 29 ноября 2021 Просмотров: 514

Фонетика – этӧ кыв наукалӧн тор, кӧда велӧтӧ шыэз, нылiсь аркмӧм, закономернӧй явленнёэз, интонация, удареннё да слоггез вылӧ торйӧтӧм.

Шыэз мийӧ шуам да кылам, а шыпас – адззам да гижам.

Исконнӧй коми-пермяцкӧй кылын торйӧтӧны 33 шы: а, б, в, г, д, дʼ, дж, дзʼ, тш, ж, з, зʼ, и, йʼ, к, л, лʼ, м, н, нʼ, о, ӧ, п, р, с, сʼ, т, тʼ, у, чʼ, ш, ы, э. Этася кыввезын, кöдна пырисö, пырöны роч кылісь, пантасьлöны эшö шыэз: х, ф, ц, щ.

Быд шы аркмӧ сёрнитан органнэз отсӧтӧн.

Асланыс аркмӧм сьӧрті шыэз торйӧтсьӧны гласнӧйез да согласнӧйез вылӧ, нылӧн эм уна ассямаыс.

Коми-пермяцкӧй сёрнишыэз пыдына видзӧтісӧ асланыс уджжезын Алевтина Степановна Лобанова, филологическӧй наукаэз сьӧрті кандидат, да Утева Любовь Валерьевна, филологическӧй наукаэз сьӧрті кандидат.